Budva

Me klimën e saj të këndshme mesdhetare (mbi 230 ditë me diell në vit),
historinë e pasur, atmosferën plot gjallëri dhe plazhet e shumta, Budva është një nga
destinacionet turistike kryesore të Malit të Zi.

Ky qytet piktoresk, i rrethuar nga mure fortifikuese, me rrugë me kalldrëm dhe ndërtesa të bukura guri, ka një histori që shtrihet në mbi 2,500 vjet, çka e bën një nga vendbanimet më të vjetra në bregdetin e Adriatikut. Qyteti i Vjetër dhe shëtitorja e tij strehojnë një numër të madh baresh, pabesh dhe restorantesh, si dhe dyqane të llojllojshme. Budva njihet gjithashtu si kryeqyteti i jetës së natës në Adriatikun lindor dhe ka disa kazino pranë hoteleve.

Rreth Budvës

Rivijera e Budvës ka 17 plazhe – nga rëra te guralecët dhe shkëmbinjtë. Ishulli shkëmbor Sveti Nikola ndodhet vetëm një kilometër larg Budvës dhe ka një shkëmb të lartë, tre plazhe të mëdha me rërë dhe shumë të tjerë më të vegjël. Pesë kilometra në jug, i lidhur me Budvën nga një shëtitore bregdetare, shtrihet Sveti Stefan, një qytezë mesdhetare tejet piktoreske e vendosur mbi një gadishull të vogël, me ndërtesa të shekullit të 15-të me çati tjegullash.

Çfarë të bëni në Budva

Për adhuruesit e aventurës, Budva ofron një larmi aktivitetesh në natyrë, nga ecja malore dhe çiklizmi, te zhytja, raftingu e madje fluturimi me parapentë dhe bungee jumping.

Oferta kulturore e Budvës përfshin Muzeun Arkeologjik dhe një sërë ngjarjesh vjetore teatrale, muzikore, letrare, të arteve pamore dhe të performancës për të gjitha interesat e moshat, si dhe një karnaval treditor.