5 ARSYE PËR TË BLERË PRONË NË KOTOR

Nëse po kërkoni të blini një pronë në Kotor, në Malin e Zi, duhet ta lexoni këtë.

Ku ndodhet Kotor?

Kotor në Malin e Zi është një mrekulli historike dhe natyrore në bregdetin e Detit Adriatik. Ka pak vende që ju lënë pa frymë me shikim të parë dhe Kotor është një prej tyre. I vendosur mes maleve hijerënda dhe një cepi të qetë të gjirit, Kotor harmonizohet në mënyrë të përkryer me mjedisin përreth. I rrethuar nga mure të fuqishme që gjarpërojnë në mënyrë befasuese lart shpateve përreth, qyteti është një labirint mesjetar me muze, kisha, sheshe të mbushura me kafene dhe pallate e shtylla turpi veneciane.

Kotor dhea0Gjiri i Kotorrita0u përfshinë në vitin 1979 në listën e Trashëgimisë Botërore të UNESCO-s për harmoninë e monumenteve të qyteteve me peizazhin, për planifikimin urban, për faktin se kanë qenë qendër e shkollave të artit, arkitekturës dhe argjendarisë që kanë kontribuar në formimin e qyteteve aristokratike të kapitenëve dhe pronarëve të anijeve, për numrin, cilësinë dhe larminë e jashtëzakonshme të monumenteve dhe pasurive kulturore, si dhe për karakterin tejet të veçantë dhe ruajtjen autentike të qytetit.

Çdo vizitor në Kotor mbetet i mahnitur dhe plot mbresa, dhe jo pak prej tyre vendosin të blejnë këtu shtëpinë e ëndrrave. Nëse jeni ndër ta, jeni në vendin e duhur, sepse në ofertën tonë të pronave,a0do të gjeni shtëpitë dhe vilat më të bukura në këtë zonë.

5 ARSYE PËR TË BLERË PRONË NË KOTOR

Ka shumë arsye të mira pse Kotor është kaq i veçantë dhe ndryshe, dhe këto janë vetëm disa prej tyre:

1. Do të jetoni në një nga 28 gjiret e shpallura zyrtarisht si më të bukurat në botë, në një qytet që ka një histori mbi pesë shekuj dhe monumente të shumta kulturore e historike nga periudha e qytetërimeve të ndryshme, çka i jep një pamje autentike.
2. Klimat alpine dhe mesdhetare takohen në Gjirin e Kotorrit, duke e shndërruar të gjithë zonën në një lloj spa-je ajrore. Në zonën e Kotorit, dielli shkëlqen mesatarisht 240 ditë në vit, ndërsa sezoni i notit zgjat rreth 120 ditë. E gjithë kjo e bën këtë destinacion zgjedhjen perfekte për shtëpinë tuaj të re.
3. Kotor është një qytet që “jeton” aktivisht gjatë gjithë vitit dhe është i lidhur mirë me pjesën tjetër të botës në shumë mënyra të ndryshme. Porti i Kotorit është një destinacion i njohur për turizmin e kroçerave. Vetëm 7 km larg Qytetit të Vjetër të Kotorit ndodhet aeroporti i Tivatit, i cili gjatë sezonit veror lidhet me shumë destinacione evropiane dhe botërore. Nëse jeni pronar i një jahti, pranë Kotorit ndodhen dy marina luksoze, në Luštica Bay dhe në resortin Porto Montenegro. Këto dy vende janë gjithashtu të njohura për mbajtjen e shumë eventeve mondane gjatë gjithë vitit. Më pak se 100km larg Kotorit ndodhen edhe dy aeroporte të tjera – Dubrovnik (70km) dhe Podgorica (85km).
4. Vetëm 5 km dhe 10 km larg Kotorit ndodhen dy shkolla ndërkombëtare, “Arcadia Academy” dhe “Knightsbridge School International”, gjë që është ideale nëse vini në Malin e Zi me fëmijët tuaj të moshës shkollore. Gjatë viteve të fundit, Mali i Zi është bërë shtëpi e re për një numër të madh të huajsh, të cilët, falë këtyre mundësive, kanë mundur ta organizojnë pa vështirësi jetën e tyre të përditshme.
5. Nëse jeni adhurues i traditës lokale dhe i prodhimeve të detit, Kotor dhe rrethinat e tij janë plot me vende ku mund të kënaqeni me shijet e pasura të kuzhinës malazeze dhe mesdhetare. Kotor është i famshëm për Tregun e Hapur të Ushqimeve, një nga vendet e para që hapen buzë detit. Është vendi i vendasve dhe një vend i mirë për një shëtitje, nëse kërkoni një përvojë më autentike në Kotor. Shitësit ofrojnë fruta, perime, djathë, fruta të thata, verë vendase dhe raki të prodhuara në sasi të vogla, vaj ulliri të virgjër, proshutë të thatë, peshk të freskët dhe guaska – çdo gjë që ju nevojitet për një vakt të përsosur.

A ju pëlqeu i gjithë ky informacion?

Sigurisht, nuk duhet të harrojmë të përmendim se, kur bie nata, muret e Kotorit, të ndriçuara në mënyrë spektakolare, shkëlqejnë qetësisht si një aureolë. Pas bedenave, rrugët gumëzhijnë nga baret, muzika live – nga soul-i te serenatat – dhe jeta e klubeve në majë të kalasë. Kotor nuk është vetëm një destinacion për histori, diell dhe det – është një qytet që ofron diçka për këdo.

Mund t’i shijoni të gjitha këto herë pas here si vizitor ose të kaloni çdo ditë duke zbuluar bukuritë e Kotorit si banor i tij; zgjedhja është e juaja.